Spring menu over og gå til indholdVend tilbage til forsidenGå til vores guide for tilgængelighedNæste indlæg: Forrige indlæg:

Nuummi Venture Camp iluatsilluartumik ingerlanneqartoq

Nuummi Venture Campimi nukissaq sajukulaarpoq, isumassarsiat niuernikkut pilersaarutinngortinneqarmata, Kalaallit Nunaannilu illoqarfiit pingaarnersaanni suliffeqarfeeqqat nutaat marluk tunngavissinneqarlutik.

Succesfuld Venture Camp afholdt i Nuuk

Venture Campeqarnissaanut qaammatini nukappiaqqat suleqatitaatik peqatigalugit aallarnisarluni isumassarsianik ineriartortitsinermi, tupinnarluinnartunik isumassarsiornerminni qarasarsupiloortarsimaqaat. Venture pilotit suliffeqarfinnillu ikorfartueqataasut nutaat peqatigalugit nukappiaqqat Venture Camp 9 tiiminik sivisussuseqartoq naammassivaat, niuernikkut pilersaarutitik nutaat allappaat, taannalu pilersaarut qaammatini tulliuttuni arfineq marlunni sulinerannut toqqammaviussaaq.

Venture Camp Danmarkimi Kalaallit Nunaannilu ukiup ilaani pisartuni tamatigut aallarniutaasarpoq. Tassani suliffeqarfeeqqat nutaat tamarmik siullermeertumik naapittarput, suliffeqarfeeqqamullu takorluukkat, naammasserusutat anguniakkallu oqaasertalersorneqartarput.

Inuussutissarsiortunit misilittagaqarluartunit isummersorneqarneq

Ulloq tassaavoq misigisarpassuaqarfiusoq oqaatsinillu nutaanik ilinniarfiusoq. Nuummi Nicolai Kreutzmann paju.gl-mit aamma Greenlandic Greenhouse-mit nukappiaqqat isummersorneqarput. Taakku namminneq unammillernartut aqqusaartarsimasatik suliffeqarfiutiminnilu anguniakkaminnik qanoq angusaqarsimanertik oqaluttuaraat. Taakku sapiissuseqartuarnissamik nukappiaqqanut kajumissisitsipput, suliffeqarfeeraatiminnilu sulinerminni unammillernartunut pimoorussilluni, qanoq akiuinissamik isumassarsisitsillutik.

”Piffissaq supisuusiinnavippoq. Nalunaaquttap qiviarneri tamaasa piffissarujussuaq ingerlareersimasarpoq. Isumaqarlunga pilersaarusiaq assut sivisuutut misinnassasoq, kisianni taamaanngilaq.”- Bendteeraq, suliffeqarfeeraq Qasujaallisarta

Venture Camp ingerlanneqarpoq VisioBOX Consultingimik tunngaviliisut Inaluk Brandt aamma Michael Binzer suleqatigalugit. LEGO Serious Play-mik atuisinnaasutut allagartaqartutut, ukiorpassuarnilu inuussutissarsiornermi misilittakkaminnik ataqatigiisitsinermikkut, atuisitsilluni ingerlatsineq nukappiaqqat qarasaannik illugiinnik aallartitsilluni eqqarsartitsilluavippoq.

”Uannut nuannernerpaavoq, tamatta LEGO-t atorlugit qeerlutuulioratta, tamarmimmi assigiinngeqaat – illarnalaarluni! Aamma ilikkarpara, tamatta assigiimmik eqqarsarneq ajortugut, kisianni assigiinngitsumik isiginneriaaseqartugut.”- Simon, suliffeqarfeeraq WENUITS

Niuernikkut pilersaarut LEGO-nik sanaaq

Nukappiaqqat suliffeqarfeeqqap immikkoortortaa nutaaq LEGO-nik sanassavaat, tassuunalu tamarmik immikkut suliassat suut suliarissanerlugit isumassarsiamillu angunissaannut qanoq iliornissartik paasinerulissavaat.

Michael Binzer oqaluttuarpoq: ”Itinerusumik isigalugu pineqarpoq, qarasarput oqaatigisinnaasatsinnit imartunerummat – tamannalu sanasinnaanitsigut atorluarneqarnerulersarppoq.”

LEGO Serious Play-ip nukappiaqqat pileriartornernik (processer) takussutissiisinnaalersittarpai ajornannginnerusumik paasiuminartumillu niuernikkut isumassarsiaminnik inissitsiterisinnaalersillugit. Inaluk Brandt oqaluttuarpoq pilersitseqatigiinneq aamma pineqartoq, tassami nukappiaqqat assersuutinik sanaqatigiittarmata aqqutaanilu ingerlaavartumik oqaluuserisarlugu.

”Pinngitsoorani pimoorussisumik paasineqarnissaq sungiusimanngilaat, taamaattumik LEGO-kkut eqqarsaatinik taakkartuipallattarnerup (brainstorming), eqqarsaatiminnik isumassarsiaminnillu saqqummiussilluarsinnaanerulersittarpai.

-Michael Binzer, VisioBOX Consulting-mi piginneqataasoq

Piginnaasaqarluartunut paasisimasaqarluartutullu sassartitanut, nukappiaqqat niuernikkut isumassarsiaminnik saqqummiussilluarnerannik ulloq naggaserneqarpoq. Saqqummiinerni LEGO-nik assersuusianik aallaaveqarneq, suliffeqarfeeqqat nutaat marluk sananeqarnerannut tunngaviusut eqqarsaatit isumassarsiallu oqaluttuarisinnaanissaannut, nukappiaqqanut killissaqartitsinermik toqqissimanermillu tunniussivoq. Suliffeqarfeeqqanut taakkununnga marlunnut sassartitanit siunnersuutit iluaqutaasussat tunniunneqartut naalaarluarneqarput.

”Uannut inuttut namminertut ulloq pissarsilluarfioqaaq, tassami takusinnaagakku ullormi nukappiaqqat pissarsiaqartut ullormilu ersarilluinnartumik peroriartut.” -Inaluk Brandt, VisioBOX Consulting-mi piginneqataasoq

Nukappiaqqat tassanngaanniit ingerlapput kajuminnerulersimallutik majillu tungaanut anguniakkaminnik angusaqarsinnaanerminnut imminut tatigalutik! Qaammatini arlaqartuni tulliuttuni malinnaaffiginissaannut qilanaarpugut.

QUJANAQ kajumissutsiminnik suleqataasunut venture pilotinut aamma suliffeqarfinnit ikorfartuisunut INI-mit, GrønlandsBANKEN-mit, Illit Forsikringit-mit kiisalu suleqatigisanut Kommuneqarfik Sermersooq aamma VisioBOX Consulting. Ilissi nukappiaqqanut ikorfartueqataavusi, aallarnisaanermik suliaqarnermikkut ilimanaateqarfimminnik ineriartortitsisinnaaqqullugit.