Spring menu over og gå til indholdVend tilbage til forsidenGå til vores guide for tilgængelighedForrige indlæg:

Najukkami peqateqarnerit nukittuut Nuummi nukappiaqqat aamma inuussutissarsiutillit akornanni atassuteqaatinik pitsaasunik tunngaviliisitsipput

Kalaallit Nunaanni najukkami inuuussutissarsiutillit Mind Your Own Businessimi nukappiaqqanut suliffeqarfeeratiminnillu ineriatortitsinerannut annertoorujussuarmik allaanerusumik iliuuseqaqataapput. Suliffinnit ikorfartuisunit tapersersorneqarnermikkut nukappiaqqat siunissami suliffeqarfinnut naapitassaminnut peqqissaarussamik ilisimasaqalersinneqarput.

Stærke lokale partnerskaber skaber grundlag for den gode relation mellem unge drenge og erhvervslivet i Nuuk

Nuummmi Mind Your Own Business inuussutissarsiortunik qanimut suleqateqarpoq, taakku nukappiaqqat inuusuttut aallarnisaasartunngorniarlutik takorluugaannut tapersersueqataapput. Mind Your Own Businessimi suliffiit ikorfartuisut siunnersiueqatigisatut pikkorissutut ingerlasarput. Suliffik ikorfartuisoq suliffinnit inummit ataatsimit ingerlanneqartuneersinnaavoq aamma suliffinnit minnerusunit anginerusunillu imaluunniit siunnersorteqarfinneersinaalluni.

”Mind Your Own Businessimut tunniusimalluta peqataavugut, ingerlatap siunertaa uagut iliuuserusutatsinnut naleqquttorujussuummat. Kalaallit Nunaanni aningaasaqarnikkut ineriartornermik atasinnaasumik pilersitserusuppugut ilaatigut inuusuttut ilinniagaqarnerannik ilikkariartortarnerannillu suliaqarnikkut. Ikiuuppugut, pikkoriffitsinnut, tassalu aningaasaqarnikkut tunngasutigut nukittuumik paasinnilersitsinissaq , – inunnut ataasiakkaanut aamma Kalaallit Nunaannut tamarmut.”
-Carsten Th. Pedersen, GrønlandsBANKEN –mi administrationsdirektøri

Nuummi suliffinnut ikorfartuisunut tamanut atuuttoq tassaavoq, suliffimmit ikorfartuisussamik tapersiuteqarnissaq, sapaatit akunneri tamaasa nukappiaqqat suliffeqarfeeraatiminnik ineriartortitsineranni suleqataasartussamik.

Suliffik sumik tapersiuteqarsinnaava?

Pingaarnerpaaq tassaavoq kajumissuseqarneq nukappiaqqanillu suleqateqarusunneq ilinniartitsissuteqarsinnaanerlu.  Inuussutissarsiortut ikorfartuisut suliamut ilisarititsissutaat misilittagaallu assigiinngitsorpassuit nukappiaqqanut paasinnilersitseqataapput, tassa suliffik tamarmi ingerlasinnaassaguni, ataasiinnarmik ingerlataqartanngitsoq, kisiannili assigiinngitsorpassuarnik immikkoortortaqarlunilu ingerlataqartartoq.

Soorlu immaqa tassaasinnaavoq, banki aningaasaannarnik suliaqarani aammali attaveqaqatigiinnikkut immikkoortortaqarfeqarlunilu HR-immikkoortortaqarfe-qartoq il.il.

Taamaasillutik nukappiaqqat paasisaqarnerulaalerlutillu ilinniarfissat- suliffigileratarsinnaasallu itinerumik paasisaqarfigilersarpaat. Ilutigalugu nukappiaqqat Kalaallit Nunaanni inuussutissarsiornermi suliffiit assigiinngitsut naapittarpaat, suliamut tunngatillugu siunnersiueqatigisinnaasatik tarrarsorfigisinnaasatillu.

Suliffiit ikorfartuisut sulinerat, nukappiaqqat piginnaasaminnik nukittorsaanerannut najukkamilu inuussutissarsiornermut attaveqalernerannut sunneeqataavoq. Tamanna nukappiaqqanut akuersaartumik sunniuteqarpoq, allanit upperineqarnermik upperinnilersillugit inuussutissarsiornermullu toqqissisimasumik atassuteqalersillugit.

”Isumaqarpugut, periarfissaqartut piginnaaneqartullu tamarmik, allat inuunerminni ingerlariaqqinissaannut ikiuinissaminnut pisussaaffeqartut. Ilami tunngaviatigut tupinaqaaq, taama annikitsigisumik iliuuseqarnikkut nukappiaqqat killiffiisa tulliannut kivitsisinnaaneq piginnaasaminnillu killiliinerannik nikisitsisinnaanneq. Neriuginarpoq nukappiaqqat arlaqarnerusut, inuunerminni ingerlariaqqilluartut siunissamilu allaanerusumik iliuuseqartut takusinnaanissaat.

Mind Your Own Businessimut akuunerput tulluusimaarutigaarput, nukappiararpassuarnummi tupinnarluinnartumik suliaqarpoq.”

-Michael Qvistgaard, Illit Forsikringit-mi direktøriusoq

Ataatsimut anguniagaq ataaseq pillugu suleqatigiinneq

Suliffiit ikorfartuisut, inuinnaat kajumissutsiminnik suleqataasut venturepilotit peqatigalugit, suliffeqarfeeqqami nukappiaqqat sapaatit akunneri tamaasa suleqatigalugillu siunnersiueqatigisarpaat. Taakku suliffeqarfeeqqamik ineriartortitsinissaq angu niagassaliornissarlu pillugit nukappiaqqanik suleqateqartarput anguniagassallu taakku piviusunngortinniarnerannut nukappiaqqat kajumissisittarlugit.

”INI-mi upperaarput, inuiaqatigiinni inuit tamarmik imminnut pisariaqartittut, taamaattumik aamma uagut isumaqarpugut Mind Your Own Businessip periusaa pitsaasumik siunertaqartoq, neriuginarporlu suleqatigiinneq allatigut akuersaartumik sunniuteqarumaartoq.” Henrik Rafn, suliffimmi ikorfartuisumi INI-mi administrerende direktør.

Mind Your Own Businessimi upperaarput, Kalaallit Nunaanni inuussutissarsiutillit inuinnaallu peqatigiilluta, killiliinerit pinnagit periarfissanut nukappiaqqat isiginnissinnaanerat periarfississinnaassallugu aamma suliffeqarfeeratiminnut imminermullu pingaartunik annertuunik takorluugaqarsinnaanissaminnut qunujunnaaqqullugit.

 

Suliffiutersi Mind Your Own Businessimik suleqateqarnissaminut soqutiginnippa? Taamasilluni nukappiaqqanut inuusuttunut aallarnisaanermik takorluugaqartunut allaanerusumik  iliuuseqaqataasinaalluni.

Taava Ivalu Nørreslet Rex-mut uani ivalu.rex@myob.dk imaluunniit telefon +299 285890  attaveqarsinnaanissinnut tikilluaqqungaapatsigit!