Spring menu over og gå til indholdVend tilbage til forsidenGå til vores guide for tilgængelighedNæste indlæg: Forrige indlæg:

Mind Your Own Business Nuummi, Kalaallit Nunaanni, immikkoortortaqarfimmi soqutiginnilluarlunilu misilittagaqartumik, suliniuteqarnermi suleqataasussamik suleqatissarsiorpoq

Mind Your Own Business-ip (MYOB) suliniuteqarnermi suleqataasup pikkorilluinnartup, Danmark-mut nuunnissalluni aaliangersimammagu, pikkorissumik soqutiginnilluartumillu Kalaallit Nunaanni allaffitsinni inerisaaqataasinnaasumik, suliniuteqarnermi suleqataasussamik suleqatissarsioqqippugut.

Mind Your Own Business søger engageret og erfaren projektmedarbejder til afdeling i Nuuk

MYOB-mi nukappissat inuusuttut sunniuteqaqataanissamut akisussaaqataanissamullu qaammatini arfineq pingasuni nakkutigineqarluartumik ingerlasussamut, peqataanissaannut neqeroorfigineqartarput. Qaammatit ingerlanerini peqataasut namminneq suliffeeraliussapput, namminneq tunisassiorlutik aammalu tunisassiatik ussassaarullugit tuniniarlugillu.

Nukappissat niuersinnaassusaat misiligarneqassapput, niuernikkut piginnaasassanik pingaarnernik pissarsitinneqassapput, unammillerneqarnermikkut akisussaassuseqarnissamik anguniagassaliamillu nassuiaasersukkamik angusaqarniarneranni kajumissaarneqassallutik.

Kalaallit Nunaanni kajumissutsiminik suleqataasut amma iIuussutissarsiornermi suliffeqarfinnik ikorfartuisussanik suleqateqarnikkut nukappiaqqat – avatagiisini tutsuiginartuni – namminneq suliffeeraliornissaannik ingerlatsinissaannillu akisussaaffilerneqassapput. Nukappiaqqat tunisassiassamik inerisaanermiit tunisassiornermut, ussassaarinermi tuninianermilu suleqatigiittassapput. Piffissallu ingerlanerani nukappiaqqat soorlu sulisulerinermut/HR, aningaasaqarnermut avammullu attaveqarnermut immikkoortortaqarfinnut  agguataarneqassapput, tamakkunani assigiinngitsunik akisussaaffilerneqarlutik suliaqartinneqarlutik.

Nukapiaqqat namminneq piumasaasa aallaaviginissaat tamatigut tunngavigisarparput, taamatuttaaq ataqqinnittumik akuersaartumillu isiginneriaaseqartumik naapittarnissaat pingaartillugu. Taamaattumik, killilersuinermit periarfissaasunik takusaqarsinnaassuseqassaatit.

Taamaattumik pisuni assigiinngitsuni soqutiginnittutullu suleqatigisatsinni assigiinngitsuni tamani, suleqatikkuminartuullutit pikkorissumillu periuseqarlutit peqataasarnissat pingaartuuvoq.

Ulluinnarni sulinerni, maannamut sungiusimasarnit allaanerusumik ulapaartassaatit. Unammillerneqarneq nuannarisuussavat suliassamilu isummiussanut, maleruaqqusanut pitsaassusermullu aalajangiusimannittuullutit. Angusaqarumassuseqartuuvutit, akuersaartumik nukissaqarlutit ilusilersungaalluartumillu suleriaaseqarlutit upperaraluguttaaq suleqatigiinneq inoqatinullu ataqqinninneq pitsaasumik ineriartueqataasartut.

Suliassat

Pingaarnertut suliassatit tassaassapput ineriartornermi, pilersaarusiornerni, periutsip Nuummilu immikkoortortami atuutilersinniarneqarnerani  ikiuunnissat, pingaartinneqarlutik:

  • Peqataasussarsiorneq, atassuteqaatissanik pilersitsineq ingerlaavartumillu nukappiaqqanik pilersaarummi peqataasunik, suliniummi/projektimi aqutsisoq suleqatingalugu siunnersoqatigiittuartarnissaq.
  • Ineriartortitsinermut, atortussanik sumiiffimmut naleqqussarlugu ataqatigiissaakkanik suliaqarnermut allanngutsaaliuinermullu ilanngussisinnaaneq.
  • Attaveqaqatigiinnermut suliassat – pineqarlutik ilanngutassiat, nutaarsiassat, inooqataanikkut tusagassiutit (sociale medier) Il. – sumiiffimmut naleqqussakkat.
  • Uppernarsaataasussanik suliaqarnermi naliliinermilu ilanngussisinnaaneq.
  • Pilersaarutip naammassinninnissamut, suliniummi aqutsisumik (projektleder) Danmarkimilu MYOB-ip allaffiani qanimut suleqateqarneq.

Pisinnaasaqarfissatit

  • Atassuteqalerniarnermut attaveqaqatigiinnermullu pikkorissuuneq – Kalaallisut qallunaatullu oqalunnermi allannermilu.
  • Inooqataanikkut tusagassiutit (sociale medier) pillugit nittartakkamullu allaatigisanik suliaqarnermut misilittagaqarluarneq pikkorissuunerlu.il.
  • Tulleriiaarluakkamik suleriaaseqarneq killiliussaqarlunilu sulinissamut paasinninneq.
  • Naleqquttumik ilinniagaqarsimaneq suliamullu assigusumik suliaqarsimanikkut misilittagaqarneq. (minnerpaamik ukiut marluk).
  • Periarfissat killiliinernit isiginiarnerusarpatit.

Sulinermi piffissamik atuisarnerit nikerarsinnaasarnissaat naatsorsuutigineqarpoq, tassa unnukkut weekendimilu nukappiaqqanik suleqatigisatsinnillu ataatsimeeqateqartarnissat ilimagineqassammata.

Mind Your Own Business:
Tassaavugut suliffeqarfeeraq sukkaqisumik ineriartortoq. Pikkorissuuneq suliumatunerlu pingaartitarivavut – aammali qiimalluni illartarneq, qanilaassuseq suliffimmilu toqqissimaneq. MYOB-imi sulinermik nuannarinninneq pingaartinneqarpoq, suleqatigiillu akornanni ataqqeqatigiinneq ataqatigiilluarnerlu suleqatigiinnermiillutik.

Aningaasarsiat atorfinitsitsinermullu tunngasut
Aningaasarsiat isumaqatigiissutigineqartut tunngavigalugit alajangiunneqassapput. Saniatigullu eqaatsumik piffissamik aqutsisinnaaneq, ullup-qeqqarnerillu akissarsiaqarfiusut aammalu soraarnermusiassat pitsaasut neqeroorutigineqarput.

Atorfininnissaq / sulinerup sivisussusaa
Atorfinitsitsineq: 15. August 2020-mit 30. juni 2021 tungaanut, sivitsuisinnaaneq periarfissaqartillugu.
Sapatip akunneranut sulinermut akunnerit 40-t.

Qinnuteqarneq
Qinnuteqarnissamut piffissaliussaq: tallimanngorneq 24. april nal. 12.00 (Kalaallit Nunaanni).
Qinnuteqartunik naleqquttunik oqaloqateqartarnissaq pilersaarutigineqarpoq ingerlanneqassasut sisamanngorneq 30. april. Qinnuteqaat CV ilanngullugu, qallunaatut uunga job@myob.dk nassiunneqassaaq. Ilisarnaaserlugu ”Projektmedarbejder – Grønland”.

Annertunerusumik paasissutissat
Atorfik pillugu apeqqutissaqaruit, inuttassarsiuinermi nittartakkamiluunniit allanneqarsimanngitsunik, taava saaffigissavat Direktør Maria Kavita Nielsen oqarasuaat +45  2611 7183.

Mind Your Own Business pillugu annertunerusunik uani atuagassaqarpoq: www.myob.dk

Mind Your Own Business-mit kissaatigineqarpoq naligiissitaanerup siuarsarneqarnissaa, taamaattumillu ukiut, upperisat, innaarluuteqarnerit inuiaassuseq apeqqutaatinnagit kikkulluunniit qinnuteqarsinnaanerannik kaammattuinissaq. 

Mind Your Own Buisness-imit qinnuteqaammi inussiarnersumik ilannguteqquneqarpoq atorfimmut inuttassarsiuineq siullermik sumi takusimanerit.