fbpx
Spring menu over og gå til indholdVend tilbage til forsidenGå til vores guide for tilgængelighedNæste indlæg: Forrige indlæg:

(UDLØBET) Mind Your Own Business-ip Nuummi immikkoortortaani ineriartortitsisussamik ataavartitsisussamillu suliamik aqutsisumik tunniusimasumik misilittagaqarluartumillu pissarsiorpoq - Qinnuteqarfissap killinga tallisaq

Mind Your Own Business suliamik aqutsisumik pikkorissumik tunniusimasumillu pissarsiorpoq, nukappiaqqanut inuusuttunut suliffeqarfeeqqanik pilersitsisarnermik ineriartortitsisinnaasumik nunatsinnilu periutsip ataavartumik attanneqarsinnaaneranut peqataasinnaasumik pissarsiorpoq.

Mind Your Own Business søger engageret og erfaren programchef til afdeling i Nuuk

TAK. Qinnuteqarfissap killinga tallisaq

2019-imili Mind Your Own Business – aallarnisaaneq tunngavigalugu – Nuummi nukappiaqqanik 13-iniit 19-inut ukiulinnik suliaqartitsisarpoq. Inuiaqatigiinnit inuinnaat kajumissutsiminnik venturepilotitut suleqataasut peqatigalugit inuussutissarsiornerullu iluani ilisimasalittut suleqatigisat suleqatigalugit Mind Your Own Business nukappiaqqat suliffeqarfeeqqamik pilersitsinissaannik periarfissiisarpoq. Nukappiaqqat sulinerminni suliamut tunngatillugu inuttullu inooqatigiinnikkullu piginnaasatik nukittorsartarpaat inuiaqatigiinnullu avatangiiserisaminnut attaveqarluarnerulertarlutik.

Akisussaaffiit:

  • Ukiumut suliffeqarfeeqqat marluk naammassinissaanut akisussaasoq, kiisalu Mind Your Own Business-ip partnerskabsmodel-ia tunngavigalugu suliniummut suleqataasumik suleqateqarluni MYOB Akademi-mi suliaqarneq
  • Inuussutissarsiortunik kommunimillu suleqatigisaqarnissamik akisussaasoq
  • Suliffeqarfimmit ikorfartueqataasunik kajumissutsiminnillu suleqataasunik sulianut tunngasunik workshoppertitsinerit
  • Forankringsmodel-ip pilersaarusiorneranik atuutsinneqarnissaanillu akisussaasoq
  • Inunnik sullissinermi Mind Your Own Business-ip peqataasutut suleqataasutullu naleqquttutut ersarissuunissaata qularnaarnissaa
  • Inernerusunik ilisimasanillu siammarterinermut ilanngussisarnissaq
  • Piffissaq eqqorlugu nalunaarusiornissamut qularnaareqataanissaq kiisalu ataavartumik nakkutiginninneq uppernarsaanerlu
  • Aaqqissuulluakkamik misilittakkanik ilisimasanillu katersinermut akisussaasoq
  • Kalaallit Nunaata sinneranut siammartereqataaneq


Pingaartipparput illit:

  • Atorfiup qaffasissuseqataanik misilittagaqarluarnissat
  • Suliniutinik suliaqarnernik, kajumissutsiminnik sulisunik aaqqissuinernik pilersaarusiorluakkanillu suleqatiginninnernik misilittagaqarnissat
  • Kalaallisut qallunaatullu allattariarsornikkut attaveqarnikkullu pikkorissuunissat
  • Suliassannik namminersuuteqarsinnaanissat, nammineersinnaassuseqarnissat suliassallu tungaasigut utaqqiinnartuunnginnissat pilersaarusiorninnilu aaqqissuussilluarsinnaanissat
  • Suleqatigisinnaasannik oqaloqateqarluarsinnaanissat, tatigiuminartuunissat atassuteqarluarsinnaasuunissallu inuillu assigiinngitsut oqaloqatigisinnaanissaat pingaartipparput

 

INUTTUT QANOQ ITTUUNERIT:

Ulluinnarni ulapinnissat allanngorartumillu sulinissat nuannaraat. Suliassanik nalorninarsinnaasunik suliaqarnissat nuannaraat, pitsaasumillu suliaqartuaannarlutit periuserineqartorlu attatiinnartarlugu. Qaffasissumik anguniagaqarputit qiimallutillu pilersaarusiorluakkamik angusassamillu toraagaqarluarlutit sulisarlutit. Suleqatigiinneq inunnillu allanik ataqqinninneq pitsaasumik ineriartuutaasartoq upperaat. Namminersuutigingaatsiakkannik suliatit akisussaaffigalugit sulisarputit, suliffeqarfiullu anguniagaanut tunngatillugu piffissaq eqqorlugu suliarilluakkanillu tunniussisarputit. Suliamut tunngasumik ilisimasatit misilittakkatillu tunngavigalugit aalajangiisarputit. Siamasissumik isiginnissinnaallutillu sulianni peqqissaarussisinnaassuseqarputit.

Pitsaasumik attaveqatigiinnermi piginnaasaqarputit ajornartorsiutillu paasiuminaassinnaasut ersarissumik naatsumillu inunnit assigiinngitsunit paasineqarsinnaasunngorlugit ingerlateqqissinnaasarpatit.

Suleqatigiinneq piginnaasavit pingaarnerit ilagaat, pikkorissuseqarlutillu soqutigisaqaqatigiit suleqatigisartakkallu amerlasuut akornanniissinnaavutit, suliffeqarfiup iluani avataanilu.

Aaqqissuussaaneq

Atorfik immikkoortortaqarfitsinni Nuummi inissisimavoq. Suleqatigiit tassaapput illit kiisalu suliniummi suleqataasoq. Immikkoortortaqarfik Mind Your Own Business-ip pisortaanit pilersitsisuanillu Danmarkimiittumit aqunneqarpoq, naatsorsuutigineqarporli illit ulluinnarni suliamut tunngasunik aqutsisuunissat Mind Your Own Business-ip partnerskabsmodelia tunngavigalugu. Atorfimmi pisortaq Danmarkimiittoq qullersarissavat.

Aningaasarsiatigut atorfinitsitaanermilu atugassarititaasut

Isumaqatigiissut naapertorlugu akissarsiaqarneq. Taassuma saniatigut flekstid neqeroorutigineqarpoq, akissarsiaqarluni ullup qeqqanut unitsiarnerit kiisalu utoqqalinersiaqarnissamut isumaqatigiissut. Atorfimmut atatillugu sulisunut inissiamik innersuussisoqanngilaq.

Sulilernissaq /sulinerup sivisussusia

Atorfiniffissaq: Piaarnerpaamik aallartinnissaq imaluunniit 1. oktoberi.
Sapaatip akunneranut sulinerup sivisussusia tassaavoq akunnerit 40-t.

Qinnuteqarneq:

Qinnuteqaatit CV-talik kingusinnerpaamik ataasinngornermi augustip 22-ani nal. 09.00 tigoreersimassavarput. Oqaloqatiginninnerit pingasunngornermi augustip 24-ani ingerlanneqassapput. Qinnuteqaat uunga nassiunneqassaaq

job@myob.dk  ima nalunaaqutserlugu ”Projektchef, MYOB Grønland”.

Paasissutissat allat

Atorfik pillugu paasissutissanik allanik uani atorfimmik inuttassarsiuinermi allassimanngitsunik, imaluunniit nittartakkatsinni allassimanngitsunik pissarserusukkuit, taava Pisortaq pilersitsisorlu Maria Kavita Nielsen ugguuna attavigisinnaavat +45 2611 7183.

Mind Your Own Business pillugu paasisaqarnerugit: www.myob.dk

Mind Your Own Business naligiissitaanermut siuarsaarusuppoq, kikkulluunniillu naleqqussinnaasut ukiui, arnaanera/angutaanera, upperisaa, innarluutaa imaluunniit sumiuunera apeqqutaatinnagit qinnuteqarnissaannik kaammattorlugit.

Mind Your Own Business inussiarnersumik qinnuigissavaatit atorfimmut inuttassarsiuineq sumi takoqqaarsimanerit qinnuteqaatinni allalaaqqullugu.