Samarbejde på tværs af kulturer: fra Danmark til Grønland
[breaker id=”12666″]
[faktabox align=”right” class=”red”] ANGUSAT
Januar 2019-miilli kajumissutsiminnik suleqataasut venturepilotit aamma suliffeqarfittut ikorfartuisunit pingasuneersut inuussutissarsiortut qulingiluat, 3000 tiimingajannik atuillutik suleqatigiinnermut tunniusseqataasimapput, nukappiaqqat 19-nit suliffeqarfeeqqanik pingasunik aallarniisinnaalersillugit ilimaanaateqarfiinillu ineriartortsisinnaalersillugit. [/faktabox]
Kalaallit Nunaanni Mind Your Own Business-ip aallarnisarnerani tapersersuineq annertooq pingaaruteqarsimaqaaq. Tamaani kommuunimi suleqatigisanit soorlu Kommuneqarfik Sermersooq-mit aamma tamaani suliffeqarfinnit, tapersersorneqarneq, pimoorussineq oqaloqatigiinnerlu, ilisimasanik misilittakkanillu tunniussaqarsimavoq, ingerlatsinerup aallarnisarneranut pingaaruteqarluinnarsimasunik.
TAMAANI SULIFFEQARFINNIK QANITTUMIK SULEQATEQARNEQ
Kalaallit Nunaanni allaffissap ammarnissaa sioqqullugu, Mind Your Own Business Kalaallit Nunaanni suliffeqarfinnik tamaanilu suleqatigisanik qanittumik oqaloqateqarlunilu siunnersiueqateqartarsimavoq. Tassa Mind Your Own Business-p periusaata Kalaallit Nunaanni naleqquttumik ingerlasinnaanera paasisaqarfiginerulerumallugu.
Naak Qallunaat Nunaata Kalaallillu Nunaata ataqatigiinnerat qanikkaluartoq assigiinngissutsit pingaaruteqartut innimigisassaapput. Ilutigalugu pingaaruteqarpoq, kattuffiup tunngaviusutut periusaani pingaaruteqartut atuutsittuarnissaannik qulakkeerininnissaq.
[faktabox align=”left” class=”red”] SULIFFEQARFINNIK SULEQATEQARNEQ
2019-miilli taakku suliffeqarfiit ikorfartuisut: GrønlandsBANKEN, INI A/S, Illit Forsikringit, aamma suliffeqarfimmik suleqatigisaq VisioBOX Consulting, suliamut tunngasutigut siunnersiueqatigiinnermik pingaarutilimmik Nuummi nukappiaqqat suliffeqarfeeraataannut tunniusseqataasarsimapput. [/faktabox]
Tamaani inuutissarsiutilinnik nukittuumik peqateqarneq, nukappiaqat inuusuit aallarnisaasartunngornissamut takorluukkaminnik pisiviusunngortitsiniarneranni tapersersuinermik pitsaanerpaamik pilersitsisarpoq. Ullumikkut suliffeqarfeeqqat pingasut piviusunngorsimapput, nukappiaqqallu 18-nit aallarnisaasartutut imminnut taasinnaalerput.
”Isumaqarpugut, tamat periarfissaqarlutillu piginnaaneqartut, allanik ikiuillutik inuunermi ingerlariaqqitsitsisinnaanermut akisussaaffeqartut. Tupinnaqaaq taama annikitsigisuinnamik iliuuseqarnikkut, nukappiaqqat killiffimmut tullermut qaqissinnaaneri killiliussaannillu nikisitsisinnaaneq. Inuunerminni pitsaasumik ingerlariaqqittunik siunissamilu allaanerusumik iliuuseqartunik, nukappiaqqanik suli amerlanerusunik takoqqinnissaq neriunginarpoq. Mind Your Own Business-mut peqataanerput tulluusimaarutigeqaarput, nukappiaqqanummi taama amerlatigisunut tupinnaannartumik suliniuteqartarmat” Michael Qvistgaard, Illit Forsikringit-mit inuutissarsiutilittut ikorfartuisoq oqaluttuarpoq.
INUUTISSARSIUTILLIT IKORFARTUISUT AAMMA VENTUREPILOTIT NUKAPPIAQQANIK INUUSUTTUNIK SIUNNERSUIPPUT
Mind Your Own Business-mi suliffeqarfeeqqat tamarmik suliffeqarfittut ikorfartuisunit pikkorissunit siunnersiueqateqartarnissamik neqeroorfigineqartarput. Nuummi suliffeqarfiit ikorfartuisut suliffeqarfeeqqami sapaatip akunneranoortumik sulinermut inuutissarsiortumik ikorfartuisumik tapertaasussamik piareeersimatitaqartarput, ilutigalugu taakku nukappiaqqanik suliffeqarfimmut pulaaqqusillutik qaaqqusisarput, tassa taakkununnga misigeqqullugu, suliffeqarfimmut iserluni, qanoq isikkoqarnersoq, immikkoortortarpassuaqarlunilu sulisorpassuaqartumut.
[faktabox align=”right” class=”red”] VENTUREPILOTIT tassaapput, inuiaqatigiinnit inuinnaat, iluaqutissat kajumissutsiminnik suliaqartut, taakku piffissami oktober-maj sapaatip akunneranut 2-3 tiimit nukappiaqqanik suleqateqartarput. [/faktabox]
Ilutigalugu nukappiaqqat kajumissutsiminnik suleqataasut venturepilotit qanittumik suleqatigisarpaat, taakku soorlu suliffeqarfeeqqamut anguniagassaliorneranni ikiortarpaat taakkulu anguniakkat anguniarnerannut kajumissisittarlugit.
Nuummi suliffeqarfiit ikorfartuisut tamaani inuutissarsiutilittut ikorfartuisunik suliffeqarfeeqqami sapaatip akunneranoortumik sulinermut, tapertaasussamik piareersimatitaqartarput. Taamaalillutik inuutissarsiutilittut ikorfartuisut kajumissutsiminnik suleqataasunut venturepilotinut naligiimmik peqataasarput. Taakku suliamut tunngasutigut nakuussuteqarnermikkut inuttullu piginnaaneqarlutillu misilittagaqarnermikkut, ingerlanermi nukappiaqqat suliamut tunngasutigut, aallarnisaasartunngor-nissaasa tungaanut, nikananngitsumik siunnersiuinermi pissarsiaqarluarnissaannik qulakkeerinneqataasarput.
”Inuutissarsiortutut ikorfartuisutut inissisimaninni ilikkarpara, nukappiaqqat inuusuit – inersimasutulli – amerlanertigut suliniutiminni angusaqarluarniassagunik tatiginninneq, killissarititaasut anguniagaqarnerlu pisariaqartiinnartaraat. Nukappiaqqat soorunami aqunneqarnerulaarnissaq arlaleriaqalunilu siunnersiueqateqartarnissaq pisariaqartippaat, tamannarparmiuna pillugu uagut ikorfartuisut tamaaniittugut”, Peter Fleischer Rex, GrønlandsBANKEN-mit inuutissarsiortutut ikorfartuisoq oqaluttuarpoq.
”Isumaqarpunga, nukappiaqqanut nukissaaq pingaarnerpaaq tassaasoq, uagut inersimasut ilagingaatigut taakkunannga pimoorussisut, aamma anguniakkanut suliffeqarfeeqqami angorusutaannut neqeroorutissaqartut. Suliamik naammassisaqarsinnaanerannut tatiginnittut aamma avataaniilluta tusarnaarnissamut allamullu saattoorneranni utertinnissaannut, unittoorsimappata unammillerneqassappataluunniit naleqquttunik isummersuinissamut piareersimasut. Súsanna Poulsen, Qasujaallisarta-mi venturepilotiusoq oqaluttuarpoq.
Nuummi venturpilotimik apersuineq: “Sulereernerit tamaasa nuannaarlunga angerlartarpunga”
NUKAPPIAQQAT ISAANNIT TAMAANI SULEQATEQARNEQ
Inuutissarsiortunik ikorfartuisunik venturepilotinillu qanittumik suleqatigiinnerup saniatigut, nukappiaqqat ornittakkaminni fritids- imaluunniit ungdomsklubbimi suleqatigisanik, assut qanittumik atassuteqaateqalersarput. Tassalumi tassanngaanniit ingerlanerup aallartinnerani nukappiaqqat Mind Your Own Business-mut katersorneqartarput, tamaanilu suleqatigisap nukappiaqqat ingerlanermi atatiinnarnissaat kajumissisinnissaallu pingaarnertut suliassaraa.
Tamaani suleqatigisatut nukappiaqqanik taakkulu ulluinnaannik ilisimaarinnilluarput, aamma nalusanngilaat nukappiaqqat sutigut unamminartorsiorfeqartut aamma sutigut isumalluutissaqartut. Tassalumi taakku paasisimasaqarluarnerat, ilisimasaat peqataanerallu, nukappiaqqat ingerlaneranni akuersaartumik ineriartortitsisumillu siuarsaaqataasarput, nukappiaqqat isumassarsiaminnik piviusunngortitsiniarneranni pitsaanerpaanik killissarititaasunik tunniusseqataasutut kinguneqartumik.
SULIFFEQARFEEQQAT NUKAPPIAQQANUT PITSAASUMIK SUNNIUTEQARTARPUT
Suliffeqarfeeqqani sulineq nukappiaqqanut pitsaasumik sunniuteqartarpoq, taakkumi malugisarpaat suliamut tunngasutigut nukittunerulersimaneq, nammineq naleqassutsimik misigisimanerulerneq imminullu tatiginerulerneq. Nukappiaqqat aallarnisaasartutut suliaqarnerminni ilinniarnissamut suliffisanullu periarfissaminnik paasisaqarnerulersinnaapput.
Mind Your Own Business-mi nukappiaqqat naapittakkavut suleqatigisartakkavullu, nukappiaraapput, piumassuseqarlutillu ingerlariaqqinnissamut nutaamut alloriarnissamik pingaartitaqartut. Nukappiaqqat 13-niit 21-nut ukioqartarput, amerlasuutigut klubbit imaluunniit inuusuttunut suliffeqarfiit aqqutingalugit imminnut ilisarisimasut. Nukappiaqqat ataatsimoorutigaat, ilinniagaqarnissamut suliffeqarnissamullu aqqutissanik allaanerusunik nutaanik kissaateqarlutik oqaaseqarsimanertik. Nukappiaqqat taakku, ulluinnarni meeqqat atuarfianni imaluunniit inuusuttunut ilinniarfinni atuartuusarput, siunissartik piullugu takorluugaqarlutillu kissaateqartut.
Inequnaaluk, Nuummi, suliffeqarfeeqqamik siullerpaamik Nukappisat aallarneeqataasoq, oqaluttuarpoq, suliffeqqarfeeqqami sulineq ulluinnarni inuuneranut saatassaaluinullu sunniuteqarsimaqisoq:
“Mind Your Own Business-mut peqataarusulersimavunga, arlaannik suliaqarusukkama. Mind Your Own Business-mi peqataalinnginninni, kingusinaartuaannarlunga angerlartarsimavunga, maanna, aallartinnerma kingorna, kingusinaassaarpunga. Nammineq ullaakkut makittalerpunga. Peqataanera nuannareqaara”, Inequnaaluk oqaluttuarpoq.
[breaker id=”12668″]
[faktabox align=”left” class=”red”] INUUTISSARSIORTUTUT IKORFARTUISUT
Nuummi suliffeqarfinnit ikorfartuisunit aallartitaapput, taakku suliffeqarfeeraatiminnik ineriartortitsineranni nukappiaqqanik suleqateqarlutillu suliamut tunngasunik ilisimasaminnik tunniussinissamut piareersimasarput. Piffissami oktober-maj saapaatip akunneri tamaasa, nukappiaqqat venturepilotillu peqatigalugit suliffeqarfeeqqami sulisarput. [/faktabox]
Nukappiaqqat ilaannut inuttut inoqqatigiinnikkullu avatagiisini unamminartorsiorsinnaaneq aamma atuuttarpoq. Isumalluutaasinnaasunik nukittuunik maligassaqannginneq imaluunniit inuttut inoqatigiinnikkullu atassuteqaatit aseruutaasut peqqutaasinnaasarput. Taamaattumik nukappiaqqat inuunerminni toqqagassaqalersarput, aqunnissaat unammillernarsinnaasunik.
Dagny Pars, ulluinnarni bankimi siunnersuisoq ulapaartoq ueqarlunilu marlunnik mikisunik meerallip, upernaami 2019 GrønlandBANKEN-mit inuutissarsiutilittut ikorfartuisuunissani toqqarpaa, suliffeqarfeeqqamilu Nukappissat-ni nukappiaqqanik naapitseqqaarnini eqqaamalluarlugu:
”Nukappiaqqat aallartimmata uagullu siullermeertumik naapikkatsigit, inersimasunut ittuukulullutillu tunuarsimaarpalaarsimapput. Maanna naapillattaareernitsinni suleqatigiinnerlu ingerlalluareersoq, assut siuariarsimanerat malunnarpoq. Allaat namminneq siulliullutik oqaaseqarnissaminnut aallarniisuusarput piumassuseqqortunerujussuanngorsimallutillu. Aamma namminneq isummaminnik anitsisalersimapput, taamaattumik siuariarnerq annertuvoq”, Dagny Pars nassuiaavoq.
Kalaallit Nunaanni ingerlataq Tuborgfondet suleqatigalugu piviusunngortinneqarpoq, tassa Mind Your Own Business-mut 11 million koruuningajannik tapiissuteqarsimammat. Tassalu aningaasaateqarfiup oqaluttuarisaanerani tapiissutaasut annerpaat ilaat.
”Siullermeerluta 2010-mi Mind Your Own Business-mut tapiissuteqarnitsinniilli uteqqiattumik misigisarsimavarput, nukappiaqqat namminneq inuttut, inuttut inooqatigiinnikkullu aamma suliamut tunngasutigut piginnaasaannik kattuffiup qanoq nakussassaatigisinnaassuseqarnera. Ilutigalugu nukappiaqqat namminneq periarfissaminnik takunnissinnaanerannut aamma ilinniarfinnut suliffeqarfinnullu attaveqarnerminnut ineriartortitsineranni, kattuffik annertusaaqataasarpoq,” Anne-Marie Skov, Tuborgfondet-mi direktøri oqaluttutarpoq.
[breaker id=”12664″]
[breaker id=”12658″]
[breaker id=”12660″]
