Interview med venturepilot i Nuuk: ”Jeg går glad hjem efter hver arbejdsgang”
”Sulereernerit tamaasa, nuannaarlunga angerlartarpunga. Nuannersunik pisoqartillugu illakulasaqaanga, malugisarparalu nukappiaqqat, venturepilotit allat aamma suliffinnit ikorfartuisut akornanni nukissaqarluarneq. Qanoq nukappiaqqat ineriartornerat aamma imminermut imminnullu merserusungatik unammillernerat takusinnaangakku tulluusimaarutingeqaara.”
Súsanna Poulsen, suliffeqarfeeqqami Qasujaallisarta venturepilotiuneq pillugu oqarpoq.
Venturepilotit apersorneqarnerat uani atuaruk, nukappiaqqallu aamma venturepilotit akornanni suleqatigiinnerup pingaassusaa pillugu paasisaqarnerulerlutit. Aperivavut, suna kajumilersitsisarnersoq, aamma namminneq piginnaasamik suliffeqarfeeqqani nukappiaqqanut nukittorsaaqataasinnaanerat qanoq takusinnaaneraat.
VENTUREPILOTINNGORNISSARNUT SUNA KAJUMILERSITSIVA?
Súsanna oqaluttuarpoq: “Nukappiaqqanik suleqateqarnissamut akuerineqarneq nuannersorujussuuvoq. Tassa akuerineqarluni tunuarsimaarluni, qanoq niuernermut isumassarsiaminnik suliffeqarfeeqqamillu suliaqarnerat takusinaallugu. Alapernaapput qununatillu imminnut unammillerlutik periutsinik ilisimasassanillu pissarsiaqartarput.”
Jens-Cristian-mut kajumilersitsisoq tassaavoq allanik ikiuisinnaaneq, pingaartumik inuusuttunik, tassa misigisimangami, inuusuttuunermini taamatut assingusumik pilersitsiniarneq atorsinnaasimangaluarlugu. Taamani misigisimavoq, ilikkariartorneq meeqqat atuarfianni pissarsiarineqartartoq allamiunngitsoq, aamma atuarfiup avataani inuusuttut isumagineqarneq ajortut.
“Maanna nukappiaqqat maani Nuummi venturepilotit inuussutissarsiortullu ikorfartuisut pitsaasut peqatigalugit, namminneq isumassarsiamik ineriartortinnissaanut periarfissaqalerput. Tassunga peqataarusuppunga, nukappiaqqallu pitsaanerpaasinnaasumik suliffeqarfeeraataanni ikiorlugit.”, Jens-Christian Wenuitsimeersoq oqarpoq.
NUKAPPIAQQANIK SULEQATEQARNERNI SUNA PISSARSIARAAJUK?
Jens-Christian: “Ikinngutitaartorpunga, attaveqarfeqalerpunga aamma perorsaanermut tunngasutigut imminut ilikkarnerulersarpunga. Taava aamma ilikkartarpara, nukappiaqqat isaannit silarsuaq qanoq ataqatigiinnersoq. Sulinerit tamaasa, nammineq venturepilotitut nukappiaqqanik suleqateqarneq pitsanngoriaqqittarpoq, suliffeqarfinnik allanik oqaloqatigiinnissamik ikiuinerput ilutigalugu.”
ILLIT NAMMINEQ PIGINNAANEQARNITIT SULIFFEQARFEEQQAMI SULIAQARNERMI QANOQ ATORTARPGIT?
“Isumaqarpunga, piginnaaneqarneq pingaarnerpaaq nukappiaqqanut tassaasoq, uagut inersimasut tutsuiginartuunissarput aammalu anguniakkanut kissaatinullu angorusutaannut naleqqiullugit neqerooruteqarsinnaanerput. Nukappiaqqat nammineerlutik suliassaminnik naammassisaqarsinnaanerannut tatiginninnerput, nukappiaqqanut peroriallaataasaqqaaq. Uagut venturepilotit aamma suliffeqarfinnit ikorfartuisut soorunami tunuarsimaarluta peqataavugut, tusarnaarnissamut piareersimaluta, nukappiaqqat “illinerminnut utissappata”, unittoorpata imaluunniit unammillerneqassappata naleqquttunik ilanngussaqarsinnaalluta. Taamatut ataqatigiisitsineq piginnaaneqarfittut pingaarnerpaatut, uanga ilassutigisinnaavara,” Súsanna oqarpoq.
Jens-Christian oqarppoq: Uani ingerlatami uanga nakuussutiga tassaavoq, attaveqarfeqarluarnera, tamanik ajunngitsumik peqateqarsinnaanera, aamma killiffiit nukappiaqqat aqqusaagaat tamaasa nalunnginnakkit, namminermi aallarnisaasartutut inuuneq misilinnikuugakku. Assammami isaanniarneranut nammineerlunga sorsunnikuuvunga, arlaannik pissarsiarineqarnissama tungaanut. Tassaniipput suleqatigiinnermi piginaaneqarfiginerpaasakka.
SOOQ ALLAT VENTUREPILOTINNGOQQULLUGIT INAKKUSUPPIGIT?
Súsanna: “Uanga allat tamaasa venturepilotinngoqqullugit inakkusuppakka. Venturepilotitut pitsaasorujussuarmik tunuliaqutaqarneq iluartorujussuuvoq (Mind Your Own Business, red.), tassanngami sakkussanik tunineqartarpugut ikorfartorneqarlutalu, taamaasilluni qulakkeerneqartarpoq, nukappiaqqat uagullu sulinitsinni pitsaassuseq qaffasilluinnartoq. Aamma assut nuannerpoq venturepilotinik allanik suliffeqarfinnillu ikorfartuisunik suleqateqarneq”.
Jens-Christian, aappassaanik venturepilotiusoq, nangippoq: “Ilumut uangattaaq allat venturepilotinngoqqullugit inakkusuppakka. Nukappiaqqat ilisarisimallualernarput, arriitsumillu aamma uagut nukappiaqqallu akornatsinni ikinngutigiileriartorneq pisarpoq, taakkununnga ernumanginnitsitsilerlunilu pitsaanerpaamik iliorumalersitsisartoq. Aamma Mind Your Own Businessip ineriartornermut pilersaarutitut ingerlataani imminut assut ilikkarnarpoq. Aappassaanerpunga, imminullu assut ilikkarsimallunga – nammineq inuttut aamma sulianni ilinniarsimasanni.”
VENTUREPILOTINNGORUSUPPIT INUUSUTTUNILLU AALLARNISAASARTUNIK SULEQATEQARLUTIT?
Venturepilotit Mind Your Own Businessimi pingaarutilimmik inissisimapput. Venturepilotit inuinnaarnit nukissaapput kajumissutsiminnik suleqataasut, taakku suliffeqarfittut ikorfartuisunit inuussutissarsiornermut ikorfartuisut peqatigalugit, nukappiaqqanik isumassarsiaminnik niuernermut ineriartortitsiniarneranni suleqateqartarput. Venturepilotit inuinnarnit aallartitaapput assigiinngilluinnartunik inuussutissarsiornermut tunngasunik tunuliaqutaqartut, inuttut piginnaaneqarlutillu misilittagaqarluartut. Taakku nukappiaqqat sapaatip-akunneranoortumik suliffeqarfeeqqani sulinermi suleqatigisartagaraat. Venturepilotip sivisunerusumik ilinniagaqarsimanissaa piumasaqaataanngilaq. Pingaarnerpaasorli tassaavoq, nukappiaqqanik isumassarsiaminnik pitsaasunik piviusunngortitsiniarneranni suleqateqarusunnissat.
Ukiumi ingerlanissaq tulleq aallartissaaq augustimi 2020 tusagaqarnerurusukkuit, taava nangaanak projektleder Ivalu Nørreslet Rex tlf.: +299 285890 attaveqarfigiuk imaluunniit mailikkut allagit: ivalu.rex@myob.dk.
[redblock]
Er du interesseret i at høre mere omkring rollen som frivillig venturepilot i Nuuk?
Udfyld kontaktformularen, så kontakter vi dig hurtigst muligt.
[/redblock]
[form id=”5460″]
